منشور بجروب "ائتلاف سكان مشروع دار مصر - الاسكان المتوسط - القاهرة الجديدة"
نقلا عن أدمن جروب الائتلاف السيدة / Lolo Shaker
___________________________
1- برجاء التأكيد على المساحات بين العمارات ومساحات الشقه داخليا ( 140 متر نموذج b
الاجابه
توقيع العمارات مساحيا يكون بأجهزة التوتال ستيشن لتحديد مكان العماره علي الارض ولا يحدث اي خطأ فالابعاد الموجوده علي لوحات الموقع العام سيتم تنفيذها علي الواقع
___________________________
2- صافى مساحة الشقة 130 متر نموذج A وشكرا
الاجابه
صافي مساحة الشقه بيكون المساحه بالعقد مطروح منهت المناور والمداخل وهي تقسم علي شقق الدور الواحد وهو في حدود المتعارف عليه وحائط الجار عرضها يكون مناصفةً بين الشقتين التي تفصل بينهما بمعني نصف عرض الحائط مأخوز من مساحة شقه ونصف العرض الاخر محسوب من مساحة الشقه الاخري ولتحديد الرقم بالضبط يكون من خلال وزارة الاسكان
___________________________
3- اقدر اعمل تعديلات فى الشقه
الاجابه
بعد الاستلام وغير مسموح بعمل اي تعديل اثناء التنفيذ لاستحالة تنفيذه فالمرحله الاولي ٣٠ الف شقه ولو كل شقه قدمت مقترح تعديل كدا المشروع مش هيتسلم ولا بعد عشر سنين
___________________________
4- من فضلك سؤالين اوﻻ هل كل اﻻرضي نموذج 130A يطل على جنينه
ثانيا موقع المرحله التانيه هل هو متميز زي القرنفل وﻻ اقل
الاجابه
طبقا لموقع العماره في الكروكي العام يتم تحديد ما اذا كانت شقة ال١٣٠ متر تطل علي جنينه ام لا
اما بالنسبه موقع المرحله التانيه اجابته ليست عندي فلننتظر لحين نزول كراسة الشروط
___________________________
5- بالنسبة لوحدات الدور الارضى ما هى المساحات المتوافر لها حدائق خاصة او مداخل خاصة وما هو ارتفاع الدور الارضى من الارض؟
الاجابه
طبقا لتصريحات المهندس وليد عباس لي شخصيا ان من حق شقق الدور الارضي المطله علي جنينه ان يكون لها حق انتفاع للجنينه طبقا لتعليمات جهاز المدينه التابع لها المتر يختلف سعر متر حق الانتفاع من مدينه لاخري دا في حالة اذا رغم مالك شقة الدور الارضي ضم الجنينه لشقته وعمل مدخل خاص به لها واحاطتها بسور شجري او خشبي ارتفاعه لا يزيد عن نصف متر وضم الجنينه من عدمه اختياري وغير ملزم
وبخصوص ارتفاع الدور الارضي عن الاسفلت يساوي ١١٥ سم
___________________________
6- ممكن اعرف فيه امكانيه تغيير باب المطبخ في مساحة 130A
الاجابه
اي تعديل بعد الاستلام
___________________________
7- عزل الدور الأخير ضد الرطوبه والحراره هيبقي جامد ولا في الشنيش😀😀
الاجابه
هيبقي جامد باذن الله 😀 دا بالاضافه ان في صرف مطر حتي لا تتجمع مياه الامطار علي السطح
___________________________
8- اولا اهلا وسهلا بحضرتك يا سيادة الرائد وشكرا على عرضك للمساعدة ومساهمتك بوقتك لخدمة جيرانك وده شىء يدل على اخلاقك المحترمة...السؤال ممكن افتح باب بين الرسبشن والغرفة اللى جنبه قبل الاستلام علشلن ما كسرش بعد كده ؟؟
الاجايه
اشكر زوق حضرتك ودي خدمة تطوعيه لحضراتكم بصفتي جار لحضراتكم وليس بصفتي احد ضباط الهيئه الهندسيه وما اقوله هذا يتم في موقع العبور وموقع الشروق اللي بشرف علي تنفيذهم وهو ايضا ما يتم في كافة المواقع واي تعديل بعد الاستلام نظرا لما شرحته في اجابة سؤال سابق
___________________________
9- الوزير قال ان نظام الاسقف ستكون فلات اسلاب والواضح من الصور انها solid ودي تكلفتها اقل تقريبا0.7 وطبعا مشاكلها فالكرم الساقط فالفرش والديكورات
الاجابه
الريسيبشن سقفه فلات سلاب وغرف النوم والحمام والمطبخ كمره وعمود( solid slab )
___________________________
10- انظمه عزل الحمامات والاسطح
الاجابه
ميمبرين سمك ٤مم من خامات معتمده ومطابقه للمواصفات العالميه وسيتم عمل اختبارات دوريه عليها في مركز بحوث الدقي اثناء التوريدات وكذلك عمل اختبارات عليها بعد تنفيذ العزل وقبل تركيب سيراميك الحمام او بلاط السقف
___________________________
11- هل ممكن اضافة حديد حماية كريتال على شبابيك الحمامات والمطبخ؟؟؟
الاجابه
المهندس وليد عباس قال يمكن ذلك ولكن بعد الاستلام
___________________________
12- التشطيب يمكن ان يكون هنا تغييره قبل التنفيذ باقتراح اسعار زياده مثلا اختيار عينات متدرجه وطرحها باسعار والي عاوز يحط الفرق
الاجابه
تم اعتماد الدهانات من يوتن وسكيب ودول موجودين في المقايسه وبخصوص اطقم الحمامات تم اعتماد ديورافيت وايديال ستاندرد ودول موجودين بالمقايسه اي تعديل فيهم يكون بعد الاستلام
___________________________
13- مساء الخير عليكم جميعا واهلا ومرحبا بسيادة الرائد احمد .هوانا ممكن أسس السباكة والكهربا والارضيات بادوات وصنيعية من عندى
الاجابه
السباكه تم اعتماد افضل الانواع ودي حقيقه والمقايسه نازله معتمده شركات كبيره وسيكون هناك اختبارات كتيره علي السباكه قبل تركيب السيراميك لذا لا داعي للقلق
__________________________
يمكن للسادة الحاجزين طرح استفساراتهم من خلال هذا البوست وسوف يتم نقلها لأدمنز جروب الائتلاف لعرضها على السيد / Mohamed Omar فيما يخص مراحل التنفيذ وجودته والاستفسارات الهندسية
نشكر حسن تعاون حضراتكم
وللمزيد شاهد الموضوع التالى :معلومات وخرائط مشروع دار مصر التجمع الخامس المرحلة الاولى والثانية القرنفل والاندلس